Sabah ölkəmizdə yeni 2013 - 2014 -cü dərs ili başlayır!

Sabah ölkəmizdə yeni - 2013-2014-cü dərs ili başlayır!

Artıq neçə illərdir ki, yeni dərs ilinin ilk günü - sentyabrın 15-i ölkəmizdə "Bilik günü" kimi qeyd olunur. Növbəti dərs ilinin başlanması və "Bilik günü" münasibəti ilə ölkəmizin bütün təhsil işçilərini, çoxminli müəllim ordusunu, şagirdləri və tələbələri təbrik edirik!

Bu  dərs ilinin ilk saatı  vətənpərvərlik mövzusuna həsr olunacaq.  "Yurdum.Yuvam.Məskənim." mövzusunda təşkil ediləcək dərs gənc nəslin əsl vətənpərvər Azərbaycan vətəndaşı kimi formalaşmasına, Azərbaycanın müstəqilliyinin, dövlətçiliyinin günbəgün möhkəmləndirilməsi üçün savadlı, vətənpərvər gənclərin yetişdirilməsinə yönəlməlidir.