Zərifə Piriyeva (şəhid anası): Hörmətli Prezident, Sizi ziyarət etməyimə və Həccə getməyimə qəlbən sevinirəm. O qədər həyəcan keçirirəm ki, danışmağa söz tapa bilmirəm. Mən şəhid Ceyhun Piriyevin anasıyam. Bizə göstərdiyiniz etimadı yazdığım "Pənahımız Heydərə" şerimlə demək istəyirəm. Mən bunu xalqımın ən əziyyətli günündə bir ilahi kimi onun dadına çatan, gecəsini gündüzə, gündüzünü gecəyə qatan, baldan şirin yuxusunu xəyalda yatan, elimizin atası Heydər Əliyevə həsr etmişəm:
Yalvarıram sənə, ey gözəl Allah,
Dəymə bizim pənahımız Heydərə.
Dualar yetişsin ulu dərgaha,
Dəymə bizim pənahımız Heydərə.
Sızlayan körpənin gülüşüdür o,
Buludlu havanın günəşidir o,
Sönmüş ürəklərin atəşidir o.
Dəymə bizim pənahımız Heydərə.
Heydər babam, adın uca ay kimi,
Parla günəş kimi, parla ay kimi.
Dəymə, Allah, pənahımız Heydərə.
El əlin qaldırıb ulu dərgaha,
Namaz üstə yalvarıram Allaha,
Otuz il də bir saf ömür bir daha,
Allah, pay ver sən bizim Heydərə.
Əlçatmaz babama əlim yetəydi,
Allah, bir gün müharibə bitəydi,
Acı günlər bir-bir gəlib ötəydi,
Bütün dünya baş əyəydi Heydərə.
|
Комментариев нет:
Отправить комментарий