Gənclər bizim sabahımızdır

Gənclər bizim sabahımızdır

Heç kəsə sirr deyil ki, gənclik bir millətin yaşaması, inkişafı üçün təməl daşıdır. Bir millətin mövcud olması üçün onun sağlam gəncliyinin olması vacib şərtdir. Çünki hər bir ölkədə dövlətçiliyin, müstəqilliyin daha da möhkəmləndirilməsi, gələcəyin etibarlı təminatı intellektual səviyyəli potensial kadrların yetişdirilməsindən, onların aparıcı qüvvəyə çevrilməsindən çox asılıdır. Bu baxımdan ölkəmizdə gənclərlə iş sahəsində görülən tədbirlər Azərbaycan gəncliyinin inkişafına təkan vermiş, onların cəmiyyətdə özlərini təsdiq etməsində böyük rol oynamışdır. Bu gün gənc nəslin düzgün yetişdirilməsi ölkə siyasətində önəmli yer tutur. Əsası ümummilli lider Heydər Əliyev tərəfindən qoyulmuş dövlət gənclər siyasətinin Prezident İlham Əliyev tərəfindən uğurla davam etdirilməsinin nəticəsidir ki, bu gün Azərbaycan gəncləri bütün sahələrdə özlərini doğruldurlar. Ümummilli liderimiz Heydər Əliyev öz siyasətində daima gənclərə qayğı göstərmiş, onların bir fərd kimi yetişməsinə xüsusi önəm vermişdir.  Ulu öndər respublika rəhbərliyinə gəldiyi ilk dövrlərdən gənclərin himayədarı kimi çıxış edərək sağlam düşüncəli yeni nəslin yetişdirilməsi sahəsində misilsiz işlər görmüşdür. Hakimiyyətə gəldiyi ilk günlərdən başlayaraq gənclər siyasəti ilə bağlı bir cox fərman və sərəncamlar imzalayan ulu öndər gənclərin milli və vətənpərvər ruhda tərbiyəsinə həmişə önəm vermişdir. Heydər Əliyev nitqlərinin birində bu barədə demişdir׃ "Gənclərimiz milli ruhda tərbiyə olunmalıdır, milli-mənəvi dəyərlərimizin əsasında tərbiyələnməlidir. Gənclərimiz bizim tariximizə yaxşı bələd olmalı, dilimizi yaxşı bilməlidir. Hər bir gənc vətənpərvər olmalıdır, vətənpərvərlik böyük məfhumdur. Bu, sadəcə orduda xidmət etmək deyil, vətənə sadiq olmaq, vətəni sevmək, torpağa bağlı olmaq - budur vətənpərvərlik". Ötən əsrin 90-cı illərinin əvvəllərində dünyada, o cümlədən Azərbaycanda baş verən ictimai-siyasi hadisələr dəyişdikcə, gənclər qarşısında duran problemlər və onların həlli yolları da dəyişməyə başladı. Bütün bunları gözəl bilən ümummilli liderimiz Heydər Əliyev gənc nəslin mütəşəkkil formada yetişdirilməsi üçün 1994-cü il iyulun 26-da Gənclər və idman Nazirliyini yaratdı. Gənclər və idman nazirliyi yaradıldıqdan sonra dövlət gənclər siyasəti sahəsində mühüm işlər həyata keçirilməyə başladı, nazirliyin yerli strukturları formalaşdı, gənc nəslin mənəvi tərbiyəsi və fiziki inkişafı, hüquqlarının müdafiəsi, onların beynəlxalq qurumlarda iştirakı və gənclər təşkilatlarının fəaliyyətinin əlaqələndirilməsi sahəsində lazımi tədbirlər görüldü, bir sıra dövlət proqramları hazırlandı. Bu siyasətin davamı olaraq 1996-cı il yanvarın 26-da ulu öndər Heydər Əliyev tərəfindən imzalanan sərəncama əsasən, 2 fevral 1996-cı il tarixində Azərbaycan Respublikası gənclərinin ilk forumunun keçirilməsi qərara alındı. Bu forumun keçirilməsi ilə dövlət siyasətində gənclərə diqqət, qayğı daha da artırıldı.  Forum mustəqil Azərbaycan Respublikasının gəncləri qarşısında duran mühüm vəzifələrin həyata kecirilməsində ölkə gənclərinin hər bir sahədə fəal iştirak etməyə hazır olduğunu nümayiş etdirdi və gənclərlə işin nəzərəçarpacaq dərəcədə

Heydər Əliyev və Azərbaycan idmanı

Heydər Əliyev milli əxlaqi dəyərlərimiz haqqında

Heydər Əliyev milli əxlaqi dəyərlərimiz haqqında

1991-ci ildə Azərbaycan müstəqilliyini əldə etdikdən sonra təhsil sistemimizin təkmilləşdirilməsi, yeniləşdirilməsi, müasirləşdirilməsi istiqamətində səmərəli tədbirlər həyata keçirilməsi zərurətə çevrildi.  Müstəqil dövlətin müstəqil təhsil sistemi olmalıdır. Bu müddəa əsas götürülərək milli təhsilin formalaşdırılması istiqamətində məqsədyönlü işlər görülməli idi.

 Azərbaycan xalqının arzusu və inamlı təkidi ilə ikinci dəfə hakimiyyətə gələn ümummilli liderimiz Heydər Əliyevin rəhbərliyi altında ölkəmizdə bütün sahələrdə,  o cümlədən təhsildə islahatlar həyata keçirilməyə başlandı.

1999-cu ildə ulu öndərimizin sərəncamı ilə  "Azərbaycan Respublikasının Təhsil sahəsində İslahat Proqramı" qəbul olundu.

"2000-2005-ci illərdə Azərbaycan Respublikasının Təhsil sisteminin tərbiyə işinin İnkişaf Proqramı" işlənib hazırlandı.

ümummilli liderimiz Heydər Əliyev "Dövlət dilinin tətbiqi işinin təkmilləşdirilməsi haqqında" (18 iyun 2001-ci il), "Azərbaycan əlifbası və Azərbaycan Dili Gününün təsis edilməsi haqqında" (9 avqust 2001-ci il) fərmanlarını; "2 Fevral - Azərbaycan Gəncləri Gününün elan edilməsi haqqında" (1 fevral 1997-ci il) sərəncamını; "Gənclər siyasəti haqqında" (9 aprel 2002-ci il) və "Uşaq hüquqları haqqında" (19 may 1998-ci il) Azərbaycan Respublikası Qanunlarını imzaladı.

Heydər Əliyev müxtəlif yığıncaqlardakı, görüşlərdəki, tədbirlərdəki məruzə və çıxışlarında, nitqlərində, bəyanatlarında təhsilə, gənc nəslin milli tərbiyəsinə, onların milli mənəvi dəyərlərə yiyələnmələrinin vacibliyinə, vətənpərvərliyə, adət və ənənələrimizin qorunması və yaşadılmasına aid çox qiymətli fikirlər irəli sürmüşdür.

Böyük öndər deyirdi: "Heç vaxt iki xalq bir-birinə bənzər dəyərlərə malik ola bilməz. Biz indi dünyanın mütərəqqi mənəvi dəyərlərindən istifadə edərək, xalqımızın mədəni səviyyəsini daha da inkişaf etdirərək gənc nəsli daha da sağlam əhvali-ruhiyyədə, saf əxlaqi əhvali-ruhiyyədə tərbiyələndirməliyik...

Hər xalqın öz adət-ənənəsi var, öz milli mənəvi və dini dəyərləri var. Biz öz milli mənəvi dəyərlərimizlə, öz dini dəyərlərimizlə, adət və ənənələrimizlə fəxr edirik. Əsrlərin dərinliyindən bu günümüzə gəlib çatan adət-ənənələrimiz həmişə adamları saflığa, təmizliyə dəvət etmişdir".

ümummilli liderimiz gəncləri həyatda fəal mövqe tutmağa, vətəndaş mövqeyi nümayiş etdirməyə çağırırdı. Ulu öndər deyirdi: "Hər bir insan gərək eyni zamanda vətəndaş olsun. Dövlətinə sadiq, millətinə sadiq, ənənələrinə sadiq, xalqına sadiq vətəndaş olsun".

Heydər Əliyev gənclərə, onların qüvvəsinə, bilik və bacarığına inanır və yüksək qiymətləndirirdi. O, ümumtəhsil məktəbləri şagirdləri ilə "Bilik Günü"nə həsr olunmuş tədbirlərdə, ali məktəblərə qəbul olunmuş tələbələrlə  görüşlərində gənc nəsli biliklərə əzmlə yiyələnməyə, vətənin ləyaqətli övladları olmağa səsləyirdi: "Bizim məqsədimiz müstəqil Azərbaycanın gələcəyi üçün daha bilikli, zəkalı gənclər hazırlamaqdır...

Böyük İnsan

«ULU ÖNDƏR HEYDƏR ƏLİYEVİ DÜŞÜNƏRKƏN»

«ULU ÖNDƏR HEYDƏR ƏLİYEVİ DÜŞÜNƏRKƏN»

  Ş.Qurbanov adına şəhər 8 nömrəli orta məktəbin XI sinif şagirdi Humay Məhərrəmova  Azərbaycanın Təhsil Nazirliyi tərəfindən gerçəkləşdirilən «Heydər Əliyev məktəblilərin gözü ilə» respublika inşa  yazı müsabiqəsinin  nəticələrinə görə IV dərəcəli  diploma layiq görülmüşdür.

 Aşağıda Humay Məhərrəmovanın inşa yazısını ixtisarla oxucularımıza təqdim edirik.

 Sevimli həmvətənlərim! Hər bir azərbaycanlı kimi mənim də qəlbimdə uca və möhtəşəm bir məhəbbət yaşayır. Heydər Əliyev məhəbbəti. Odur ki, qadir Allahdan bir diləyim var. Mənə qüdrət versin. Elə bir qüdrət ki, bənzərsiz həyat yaşamış, xalqımın tarix kitabının qızıl səhifələrini yazmış ulu öndər, dahi Heydər Əliyevə olan ülvi məhəbbətimi, hüdudsuz sevgilərimi ifadə edə bilim. Axı adi bir məktəbli üçün ürəyinin dərinliklərində coşub-çağlayan duyğulardan söz açmaq o qədər də asan deyil.

Xalqı zirvələrə qaldırmaq üçün,

Sevgi şahlığının taxtına çıxdın.

Oğul xalq üçündür, zirvə dağ üçün,

Nə yaxşı bu xalqın baxtına çıxdın.

 Bəli, bu, şirin bir həqiqətdir. Heydər Əliyev Azərbaycan xalqının mənəvi sərvəti, bəxtinə düşmüş Tanrı payıdır! Nadir, təkrarsız şəxsiyyət, millətinin və məmləkətinin yeni tarixinin memarı, böyük düha, güclü və müstəqil Azərbaycanın, dünyanın sayğı göstərdiyi, istiqlalı dönməz, gündən-günə qüdrətlənən çağdaş Azərbaycanın qurucusur.

 Əziz oxucum! Heydər Əliyev tarixi yaradan idi, tarixin özü idi. Tarix isə yalnız böyük dühaların parlaq əməlləri sayəsində nəsillərin yaddaşına həkk olunur. Azərbaycan xalqı dünyanın tarix kitabına Şəmsəddin Eldəniz, Cavanşir, Babək, Qızıl Arslan, Şah İsmayıl Xətai kimi qüdrətli şəxsiyyətlərin adını qızıl hərflərlə yazmışdır.

 XX yüzillikdə xalqın daha bir dahisi yetişdi-Heydər Əliyev. Atatürk, Vaşinqton, Nehru kimi  Heydər Əliyev də dünyanın nadir simaları arasında layiqli yer tutdu. O, dünya tarixinin azərbaycanlı Dahisi  oldu.

 Aqillərdən biri demişdir: «Elə yaşa ki, öləndən sonra da ölməyəsən». Ölməzlik, həmişəyaşarlıq isə ancaq dahilərə, böyük şəxsiyyətlərə nəsib olan xoşbəxtlikdir. Xalqımızın böyük oğlu, ümummilli liderimiz Heydər Əliyev də məhz belə xoşbəxtlərdəndir. Bənövşə ətirli bir bahar günündə dünyaya göz açan bu bahar oğlu xalqına əbədi bahar gətirmiş,

Heydər Əliyev və Azərbaycan təhsili

Heydər Əliyev və Azərbaycan təhsili

                                   Heydər Əliyev və Azərbaycan təhsili 

Aqillər insan ömrünü onun xalqı,vətəni,dövləti üçün gördüyü işlərin miqyası,dəyəri ilə ölçürlər.O insanlar dünyada,tarixdə əbədilik qazanırlar ki,onlar Allah-Təala bəxş etdiyi qeyri-adi istedadlarını,fövqəl güclərini,iradələrini insanların xoşbəxtliyi,xalqlarının azadlığı, dövlətlərinin çiçəklənməsi üçün sərf edirlər.

Bu baxımdan xalqımızın böyük oğlu,dünya şöhrətli ictimai-siyasi  xadim,ümummilli lider Heydər Əliyevin 80 illik ömrü tariximizə qızıl hərflərlə həkk olunmuş, dünya tarixində layiqli yer tutmuş, nadir şəxsiyyətlər cərgəsində dayanmışdır.Yarım əsrdən çox xalqına əvəzsiz xidmət göstərmiş,ömrünü Azərbaycanın ,azərbaycanlıların xoşbəxtliyi naminə şam kimi əritmiş,illərlə məzuniyyət götürmədən,istirahət etmədən işləmiş ,20-ci əsrin sonlarında Azərbaycanı dünya xəritəsindən silinmək təhlükəsindən xilas etmiş, sivil bir dövlət qurmuş dünyanın ən böyük azərbaycanlısı Heydər Əliyev fonemi haqqında ona layiq söz demək , xidmətlərini sadalaya bilmək qeyri-mümkündür.Buna fövqəl istedad gərəkdir.Ancaq yenə də, ümummilli liderimiz haqqında bir şey yazmaq arzusundan əl çəkmək mümkün deyil.

Ümummilli liderimizin zəngin həyatı həmişə təhsillə bağlı olmuşdur:

<<Məktəb,maarif,təhsil işi ilə həmişə sıx bağlı olmuşam…Hesab edirəm ki,cəmiyyət haradan olursa olsun,nədən olursa olsun,kəsib təhsilə xərcləməli,gənc nəslin təhsilinə ,müəllimə kömək etməlidir.Bu,mənim prinsipal mövqeyimdir>>.

Bu kəlamlar böyük rəhbərimizin təhsilə nə qədər önəm verdiyinin təzahürüdür.

1993-cü ilin yayında xalqımızın təkid və tələbi ilə ikinci dəfə Azərbaycana,hakimiyyətin ali kürsüsünə qayıdan Heydər Əliyevin zəhməti,qayğsı ilə  təhsil sistemimizdə əmələ gəlmiş başıpozuqluğa,hərcmərcliyə son qoyuldu,təhsilin idarə edilməsinə gətirilmiş səriştəsiz adamlar oradan uzaqlaşdırıldı,peşəkar,bacarıqlı,işgüzar alimlər,müəllimlər yenidən öz ali işlərinə-təhsilin idarə edilməsinə gətirildilər.Təhsil dövlətin üstün inkişaf etdirilən prioritet sahəsinə çevrildi.<<Təhsil millətin gələcəyidir>> deyən prezidentimiz Heydər Əliyevin tapşırığı ilə təhsilə, təhsil işçilərinə dövlət qayğısı artırıldı.Əvvəlcə 1-4 siniflər,sonra isə yuxarı siniflər üçün dərsliklər dövlət vəsaiti hesabına çap olunmağa başladı.Müəllimlərin maaşı mütəmadi artırıldı.

Ümumilli liderimiz Heydər Əliyev təhsil sistemimizdə olan problemlərin optimal həlli üçün Azərbaycan tarixində ilk dəfə Təhsil sahəsində islahatlar aparılması üçün tapşırıqlar verdi.Bu məqsədlə 1998-ci il martın 30-da Prezident sərəncamı ilə Azərbaycan Respublikasında Təhsil Sahəsində İslahatlar üzrə Təhsil naziri M.Mərdanovun sədirliyi ilə Dövlət Komissiyası yaradıldı.1998-ci ildə müstəqil  Azərbaycan müəllimlərinin 1-ci qurultayı keçirildi.Xalqımızın böyük oğlu Heydər Əliyev qurultayda tarixi çıxış etdi.Bu çıxış təhsil işçilərinin qarşısında duran vəzifələrin həlli üçün proqram idi.Qurultayda təhsil tariximizdə ilk dəfə Respublika Təhsil Şurası yaradıldı.

Ulu öndər 1999-cu ilin iyunun 15-də Milli Qurtuluş günündə Təhsil Sahəsində İslahat Proqramını xüsusi sərəncamla təsdiq etdi.Heydər Əliyev təhsil sistemində islahatların əsas məqsədini özü müəyyən etmişdi:

<<Təhsil sistemində islahatların əsas məqsədi ondan ibarətdir ki,Azərbaycan təhsil sistemi dünya təhsil sisteminin standartlarına uyğunlaşdırılsın….On illərlə  əldə etdiyimiz təhsil prinsipləri gözlənilməli və inkişaf etdirilməlidir.Əgər biz bu yolla gedəriksə,qısa bir zamanda Azərbaycanda təhsil sistemini dünya standartlarına çatdıra bilərik>>.

Müstəqil Respublikamızın memarı Heydər Əliyevin qayğısı ilə Təhsil İslahatı Proqramının əsas müddəaları Dünya Bankının maliyyə yardımı ilə həyata keçrilməyə başladı.Təhsil Qanununun layihəsi ümumxalq müzakirəsinə verildi.Ümumi orta  təhsilin dövlət standartları hökümət səviyyəsində təsdiq edildi.Azərbaycan təhsili dünyanın aparıcı dövlətlərinin təhsilinə inteqrasiya edildi.Xüsusi istedadı olan şagirdlərə və gənclərə diqqət artırıldı,adları <<Qızıl kitaba>> salındı.İstedadlı gənclərə dövlət qayğısı Ana Qanunumuzda öz əksini tapdı.

<<Təhsil sahəsi xalqımızın bu günü,millətimizin,dövlətimizin gələcəyi üçün ən vacib bir sahədir>>deyən ümumilli liderimiz Azərbaycan təhsilinin dinamik inkişafını təmin edən fərman, sərəncamlar verdi:<<Azərbaycan Respublikasının təhsil sisteminin təkmilləşdirilməsi haqqında>>   13 iyun 2000-ci il tarixli,<<Dövlət dilinin tətbiq işinin təkmilləşdirilməsi haqqında>>  18 iyun 2001-ci il tarixli,   <<Azərbaycan əlifbası  və Azərbaycan dili günü (01.avqust) təsis edilməsi haqqında 09.08.2001- ci il tarixli bəyanat, <<Azərbaycan Respublikasında dövlət dili haqqında>>,  <<Azərbaycan Respublikası Qanununun tətbiq edilməsi barədə>> 2 yanvar 2003-cü il tarixli fərman təhsilimizi dünya standartları səviyyəsinə qaldırdı.Azərbaycan tarixinin,ədəbiyyatının,coğrafiyasının öyrədilməsinə,mükəmməl dərsliklər hazırlanmasına,xüsusilə Azərbaycan dilinin öyrədilməsinə, Dövlət dili statusunda təbliğinə diqqət artırıldı.

Azərbaycan təhsilinin qayğıkeş hamisi ulu öndərimizin <<Azərbaycan Respublikası ümumtəhsil məktəblərinin maddi-texniki bazasının möhkəmləndirilməsi haqqında 4 oktyabr 2002-ci il tarixli sərəncamı və həmin sərəncamla hazırlanmış xüsusi proqram sayəsində Azərbaycanda dünya standartlarına uyğun müasir tipli məktəb binaları tikilməyə başlandı.

Ümummilli liderimizin rəhbərliyi,tövsiyəsi ilə hazırlanmış proqramlar,strateji yol Azərbaycan təhsilinin, onun maddi-texniki bazasının uzunmüddətli,dinamik inkişafını təmin etmişdir.

Ulu öndərimizin daxili və xarici siyasəti,iqtisadi plan və proqramları bu gün Heydər Əliyev məktəbinin layiqli yetirməsi, möhtərəm prezidentimiz İlham Əliyevin rəhbərliyi ilə uğurla davam edir və edəcək.

Respublikamızın Prezidenti cənab İlham Əliyev ümumilli liderimizin ideyalarını ləyaqətlə davam etdirərək təhsilimizin inkişafına,təhsil müəssisələrinin maddi-texniki bazasının möhkəmlənməsinə böyük diqqət yetirir.Azərbaycanın birinci xanımı,Heydər Əliyev Fondunun prezidenti,YUNESKO-nun ,İSESKO-nun xoşməramlı səfiri,millət vəkili Mehriban xanım Əliyeva bu gün Azərbaycan təhsilinin qayğıkeşidir.

Ölkə prezidenti İlham Əliyevin Respublikamızın məktəblərinin dünya standartları səviyyəsində təmin olunması üçün <<Azərbaycan Respublikasında ümumtəhsil məktəblərinin İnformasiya və Kommunikasiya Texnologiyaları ilə təminatı proqramının (2005-2007-ci illər) təsdiq edilməsi haqqındakı 21 avqust 2004-cü il tarixli sərəncamı,Prezident sərancamları ilə təsdiq olunaraq hal-hazırda həyata keçirilən təhsilin inkişafına dair 17 proqram Azərbaycan təhsilinin,təhsil müəssisələrinin mütəmadi inkişafını təmin edir.

Xalqımız həmişə ümummilli liderimiz Heydər Əliyevə  bəslədikləri inam və məhəbbəti bu gün möhtərəm Prezidentimiz İlham Əliyevə bəsləyir, onu daim dəstəkləyirlər.